авиациялық қозғалтқыштар

(Авиационные двигатели)

ұшу аппараттарында орнатылатын, олардың ұшуына қажетті тарту күшін туғызушы құрал. Тәсіліне қарай А.қ.: реактивтік, қалақты, аралас немесе жиынтықты болып 3 топқа бөлінеді. Реактивтік А.қ. әуе-реактивтік қозғалтқыштар (отынның жануы үшін атмосфералық ауа, оттек қолданылады), ракеталық қозғалтқыштар (ұшу аппаратының өзі тасымалдайтын тотықтырғыш қолданылады) болып бөлінеді. Ауа қалағының тарту күшін тудыратын қалақты А.қ. қатарына әр түрлі поршеньдік қозғалтқыштар жатады. Аралас немесе жиынтықты А.қ-дың негізгі түрлері: трубалы-қалақты қозғалтқыштар мен екі контурлы турбореактивтік қозғалтқыштар.